​शंखमूल त्रिवेणी धाममा नाग पञ्चमीको अवसरमा विशेष पूजासहित गजुर स्थापन

​काठमाडाैं, नाग पञ्चमी।

​शंखमूलस्थित पवित्र त्रिवेणी धाममा नाग पञ्चमीको पावन अवसर पारे मन्दिरमा गजुर स्थापना गरिएको छ।वागवती, मणिवती र रुद्रधारा शंखमूल त्रिवेणी संगममा ॐकारेश्वर गजुर स्थापना गरिएकाे हाे ।

​ॐकार टेलिभिजन र ॐकार फाउन्डेसनको संयुक्त पहल तथा निर्माणमा सम्पन्न भएको उक्त मन्दिर परिसरमा धार्मिक विधि र परम्परा अनुसार गजुर स्थापना गरिएको हो।

​नाग पञ्चमीका दिन आयोजित विशेष धार्मिक अनुष्ठानका बीच कालाग्नि रुद्रपीठका पूज्य पीठाधीशद्वारा गजुरको विधिपूर्वक पूजा-आजा गरी मन्दिरको शिखरमा प्रतिस्थापन गरिएको छ। पूजा कार्यक्रममा श्रद्धालु भक्तजनहरूको उपस्थिति रहेको थियो।

​ॐकार टेलिभिजन र ॐकार फाउन्डेसनले सनातन धर्म तथा संस्कृतिको संरक्षण र संवर्द्धन गर्ने उद्देश्यले उक्त भौतिक संरचना निर्माण तथा व्यवस्थापन गर्दै आएका छन्। नाग पञ्चमीको शुभ दिनमा गजुर स्थापना सम्पन्न भएसँगै शंखमूल त्रिवेणी धामको धार्मिक तथा आध्यात्मिक महत्त्व अझ बढेको आयोजक समितिले जनाएको छ।