ललिता सिग्देल
डोल्पा । डोल्पाको जुफाल विमानस्थलमा बिहीबार बिहान सीता एयरको जहाज अवतरण गर्ने क्रममा दुर्घटनामा परेको छ। नेपालगञ्जबाट जुफालतर्फ उडेको सीता एयरको ९एन–एजेएच कलसाइनको जहाज बिहान करिब ८ः२५ बजे अवतरणका क्रममा रनवेमा समस्या आएको हो।
अवतरणका क्रममा जहाजको पछाडितर्फको दायाँ पाङ्ग्रा खुस्किएपछि जहाज केही परसम्म उछिट्टिएको जिल्ला प्रहरी कार्यालय डोल्पाले जनाएको छ। घटनापछि पाइलटले तत्काल इन्जिन बन्द गरेका थिए।
जहाजमा १३ जना यात्रु र तीन जना चालक दलका सदस्य गरी १६ जना सवार रहेको र सबै सकुशल रहेको अधिकारीहरूले बताएका छन्। यात्रुमध्ये सात जना विदेशी नागरिक रहेका थिए। घटनामा मानवीय क्षति भएको छ ।
घटनापछि जहाज रनवेमै रोकिएको छ। प्राविधिक टोलीले जहाजको अवस्था जाँच गरिरहेको छ। जहाज रनवेमा रहेकाले जुफाल विमानस्थलको उडान सेवा केही समय प्रभावित भएको र नजिकिँदै गरेको नेपाली सेनाको विमानसमेत फर्किनुपरेको अधिकारीहरूले बताएका छन्।
घटनाको कारणबारे थप प्राविधिक जाँच भइरहेको छ। प्रारम्भिक विवरणअनुसार जहाजमा ठूलो संरचनात्मक क्षति वा मानवीय क्षति भएको छैन ।
वि.सं.२०८३ असोज ८ बिहीवार १३:३० मा प्रकाशित
