omkar tv
काठमाडौं । राष्ट्रिय स्वतन्त्र पार्टी (रास्वपा) को सचिवालय बैठक आज शनिबार बस्दैछ। पार्टीले बैठक बिहान ११ बजेका लागि तय गरेको हो।
पार्टी सभापति रवि लामिछानेको अध्यक्षतामा बस्ने बैठक वनस्थलीस्थित केन्द्रीय कार्यालय घन्टीघरमा आयोजना हुनेछ।
रास्वपाका प्रवक्ता जगदीश खरेलका अनुसार बैठकमा समसामयिक राजनीतिक घटनाक्रम तथा पार्टीसँग सम्बन्धित विभिन्न विषयमा छलफल हुनेछ।
बैठकले पछिल्लो राजनीतिक परिस्थितिको समीक्षा गर्दै पार्टीका आगामी गतिविधि र रणनीतिबारे समेत छलफल गर्ने अपेक्षा गरिएको छ।
वि.सं.२०८३ कात्तिक १४ शनिवार १०:१६ मा प्रकाशित
