omkar tv
गोरखा। बाढी र पहिरोका कारण विभिन्न जिल्लाका सडक तथा पुल अवरुद्ध भएका छन्। शुक्रबार बिहान ६ बजेसम्मको विवरणअनुसार गोरखाको आरुघाट गाउँपालिका–२ र ३ जोड्ने सोतीस्थित मोटरेबल पुल बाढीले बगाएपछि पूर्ण रूपमा अवरुद्ध भएको छ।
पुल अवरुद्ध हुँदा सोतीदेखि मान्बु जाने सडकमा आवागमन ठप्प भएको छ। यसबाट स्थानीय बासिन्दाको दैनिक आवतजावत प्रभावित भएको छ।
प्रहरीले जोखिमयुक्त क्षेत्रमा सतर्कता अपनाउन र अवरुद्ध सडक तथा पुलको अवस्था बुझेर मात्र यात्रा गर्न आग्रह गरेको छ।
वि.सं.२०८३ कात्तिक १३ शुक्रवार १०:३५ मा प्रकाशित
