omkar tv
काठमाडौं । भारतको आन्ध्र प्रदेशमा चक्रवात अर्नबका कारण तीन जनाको मृत्यु भएको छ भने ३० घरमा क्षति पुगेको छ। भारतीय सञ्चारमाध्यमका अनुसार चक्रवातबाट राज्यका ७१४ गाउँ प्रभावित भएका छन्।
२८ अक्टोबर बिहान काकीनाडानजिकै तटीय क्षेत्रमा प्रवेश गरेको चक्रवातले तीव्र हावाहुरी र भारी वर्षा निम्त्याएको हो। यसका कारण घरका छाना उड्नुका साथै रुख र विद्युत् खम्बा ढलेका छन् भने तटीय क्षेत्रका होचा भूभाग डुबानमा परेका छन्।
चक्रवातको प्रभाव ओडिशाका दक्षिणी जिल्लामा समेत देखिएको छ। प्रभावित क्षेत्रमा धानबाली डुबानमा परेको र १६७ गाउँमा बाढीको चेतावनी जारी गरिएको भारतीय सञ्चारमाध्यमले जनाएका छन्।
वि.सं.२०८३ कात्तिक ११ बुधवार १५:३० मा प्रकाशित
