काठमाडौं । आज (सोमबार) कात्तिक १६ गतेदेखि देशभरका सरकारी कार्यालयको हिउँदे समय लागू भएको छ। नयाँ व्यवस्थाअनुसार अब सरकारी कार्यालय बिहान ९ बजेदेखि अपराह्न ४ बजेसम्म मात्र सञ्चालन हुनेछन्।

नेपाल राजपत्रमा प्रकाशित गृह मन्त्रालयको सूचनाअनुसार कात्तिक १६ गतेदेखि आगामी माघ १५ गतेसम्म सरकारी कार्यालयको समय बिहान ९ बजेदेखि दिउँसो ४ बजेसम्म कायम गरिएको हो।

यसअघि सरकारी कार्यालय बिहान ९ बजेदेखि अपराह्न ५ बजेसम्म सञ्चालन हुँदै आएका थिए। हिउँदमा दिन छोटो हुने भएकाले कार्यालय समय एक घण्टा घटाइएको हो।

यो व्यवस्था सरकारी कार्यालय तथा सार्वजनिक निकायमा लागू हुनेछ। शैक्षिक संस्थाहरूको दैनिक सञ्चालन समय भने छुट्टै व्यवस्थाअनुसार रहनेछ।

कार्यालय समय परिवर्तनसँगै सरकारी सेवा लिन जाने सेवाग्राहीले अब दिउँसो ४ बजेभित्रै आवश्यक काम सम्पन्न गर्ने गरी आफ्नो समय व्यवस्थापन गर्नुपर्नेछ।