back
Close [x]

राष्ट्र बैंकले ४० करोड थान एक रुपैयाँका सिक्का छाप्दै, अन्तर्राष्ट्रिय बोलपत्र आह्वान

वि.सं.२०८३ असोज १८ आइतवार

90 

shares

काठमाडौं । नेपाल राष्ट्र बैंकले ठूलो परिमाणमा एक रुपैयाँ दरका सिक्का उत्पादन गर्ने प्रक्रिया अघि बढाएको छ। बैंकले ४० करोड थान एक रुपैयाँका सिक्का डिजाइनदेखि छपाइ, आपूर्ति र ढुवानीसम्मको जिम्मेवारी पूरा गर्न अन्तर्राष्ट्रिय बोलपत्र आह्वान गरेको हो।

राष्ट्र बैंकको मुद्रा व्यवस्थापन विभागले सार्वजनिक गरेको सूचनाअनुसार यस प्रक्रियामा यसअघि योग्य ठहर भई छनोट सूचीमा परेका अन्तर्राष्ट्रिय सुरक्षा मुद्रण तथा सिक्का उत्पादन कम्पनीहरूले प्रतिस्पर्धामा सहभागी हुन पाउनेछन्।

यसअघि चीनको चाइना बैंक नोट प्रिन्टिङ एण्ड मिन्टिङ कर्पोरेसन, बेलायतको डि ला रुउ इन्टरनेसनल, जर्मनीको गिसिक डेभ्रियन्ट करेन्सी टेक्नोलोजी, रुसको जोइन्ट स्टक कम्पनी, फ्रान्सको अबरथर फिड्युसेरी एसएएस तथा पोल्याण्डको पोलिस सेक्युरिटिज प्रिन्टिङ योग्य कम्पनीका रूपमा छनोट भएका थिए।

बोलपत्र प्रक्रिया अन्तर्राष्ट्रिय प्रतिस्पर्धात्मक विधिबाट सञ्चालन हुनेछ। सहभागी कम्पनीहरूले प्राविधिक र आर्थिक प्रस्ताव छुट्टाछुट्टै खाममा सिलबन्दी गरी बुझाउनुपर्ने व्यवस्था गरिएको छ।

बोलपत्रसम्बन्धी आवश्यक कागजात राष्ट्र बैंकको मुद्रा व्यवस्थापन विभाग, थापाथली तथा टक्सार महाशाखा, बबरमहलबाट लिन सकिनेछ। कागजात प्राप्त गर्न २० हजार रुपैयाँ दस्तुर तोकिएको छ।

बोलपत्र प्रक्रियाबारे थप स्पष्टता लिन चाहने कम्पनीका लागि अक्टोबर १५ गते दिउँसो १२ बजे मुद्रा व्यवस्थापन विभागमा पूर्वबोलपत्र बैठक आयोजना गरिनेछ।

इच्छुक कम्पनीहरूले नोभेम्बर ३ गते दिउँसो १२ बजेसम्म आफ्नो बोलपत्र राष्ट्र बैंकमा बुझाइसक्नुपर्नेछ। प्राप्त बोलपत्र सोही दिन दिउँसो १ बजे खोलिने राष्ट्र बैंकले जनाएको छ।

बोलपत्रमा सहभागी हुन कम्पनीहरूले न्यूनतम १ लाख ४८ हजार अमेरिकी डलर बराबरको धरौटी राख्नुपर्नेछ। बोलपत्रको वैधता अवधि १२० दिन रहनेछ भने धरौटीको वैधता बोलपत्रको अवधि समाप्त भएपछि थप ३० दिन कायम रहने व्यवस्था छ।

राष्ट्र बैंकले बोलपत्र प्रक्रियामा प्राप्त प्रस्तावमध्ये आवश्यकताअनुसार कुनै एक, केही वा सबै प्रस्ताव पूर्ण वा आंशिक रूपमा स्वीकार गर्न वा अस्वीकार गर्न सक्ने स्पष्ट पारेको छ।

वि.सं.२०८३ असोज १८ आइतवार १२:४४ मा प्रकाशित

‘कान्छी’देखि सडकका कुकुरसम्म : राजीव लामाको पशुप्रेमको कथा

‘कान्छी’देखि सडकका कुकुरसम्म : राजीव लामाको पशुप्रेमको कथा

काठमाडौं । मानिसको स्वभाव, आर्थिक अवस्था र सामाजिक हैसियत हेरेर...

चक्रवात ‘अर्नब’को प्रभावले देशभर वर्षा, काठमाडौंमा झरी

चक्रवात ‘अर्नब’को प्रभावले देशभर वर्षा, काठमाडौंमा झरी

काठमाडौं। बंगालको खाडीमा विकसित चक्रवात ‘अर्नब’ र पश्चिमी वायुको प्रभावले...

भोटेगण्डकीमा बाढीले क्षतिग्रस्त उत्तरगया धाम पुनःस्थापना गर्ने धर्मगुरुहरूको प्रतिबद्धता

भोटेगण्डकीमा बाढीले क्षतिग्रस्त उत्तरगया धाम पुनःस्थापना गर्ने धर्मगुरुहरूको प्रतिबद्धता

रसुवा । प्राकृतिक विपद्का कारण क्षतिग्रस्त बनेको रसुवा र नुवाकोटको...

कार्तिक स्नान, दान र दीपदानको महिना : धर्म, आस्था र साधनाको विशेष महत्त्व

कार्तिक स्नान, दान र दीपदानको महिना : धर्म, आस्था र साधनाको विशेष महत्त्व

काठमाडौं । हिन्दू धर्मशास्त्रमा कार्तिक महिनालाई स्नान, दान, दीपदान, जप...

आमा बनेपछि महिलाको आराम खोस्ने समाज कहिलेसम्म?

आमा बनेपछि महिलाको आराम खोस्ने समाज कहिलेसम्म?

रातभरि बच्चालाई दूध खुवाएर निन्द्रा नपुगेकी आमा, बिहान कार्यालय जानुपर्ने...

“सन्तानलाई सफल बनाउने होडमा, असल मान्छे बनाउन त बिर्सेनौँ?”

“सन्तानलाई सफल बनाउने होडमा, असल मान्छे बनाउन त बिर्सेनौँ?”

ललिता सिग्देल । सन्तानकाे हातमा महँगो मोबाइल छ, राम्रो विद्यालयमा...